Hagbarts fortryllende show, søndag 24. mai kl. 15
På lillescenen i barteltet til Lærdal Showtheater
HAGBARTS FORTRYLLENDE SHOW er ein dynamisk førestilling, som per idag kan visast fram i opptil 5 varianter. Her handlar det om klovnen Hagbart Frisk, som reiser rundt med ein sekk på ryggen, og ein gitar på magen, for å vise fram alt mamma har lært han om trylling. Sekken har mamma pakka full av tryllesaker, og frå gitaren tryller Hagbart sjølv fram fine melodiar. Men tryllingen, som var så lett når mamma viste det, er visst ikkje så lett likevel. Tryllestavar faller frå kvarandre, kort forsvinner, og ingenting går heilt som det skal. Men når Hagbart får hjelp frå barna skjer det magiske ting. Med sin klønete humor sjarmerar Hagbart sitt publikum i senk, og både barn og vaksne blir engasjert og underhaldne av Hagbarts sprell og krumspring.
Den vaksne delen av publikum vil sannsynlegvis kjenne igjen melodiane Hagbart spelar. Det er meir eller mindre ikoniske rockelåtar som har fått ny tekst. "The times they are a-changin'" er blitt til "Snart er det de som bestemmer", "Give peace a chance" heiter i Hagbarts versjon "Gi pizza'n en sjans", "Folsom prison blues" er blitt "Husarrest blues", og så vidare.
Hagbart har gjort meir enn 300 show, og har difor solid erfaring. Ved sidan av opptreden på bibliotek, ved laurdagsteatre, i barnehagar osv, har Hagbart underhalde ved Porsgrunn internasjonale teaterfestival, Barnas Dag i Lyngdal, Drangedalsdagene, Bø Sommarland og Den lille dyrehage i Gjerstad, for å nemne nokon.
