Nyheiter hjå oss og elles i Lærdal
TAKK TIL ALLE SOM KOM PÅ SHOW I ÅR!
ME SJÅAST TIL NYE FANTASTISKE OPPLEVINGAR NESTE ÅR!
No når året går mot slutten, gjer me oss tid og tankar til å reflektera over 2024. Me kan sjå attende på ein fin sesong med mange besøkande. Nokon nye og framleis mange kjende, begge deler er lika kjekt. Nytt frå i år av, var karaoke. God stemning i vetleteltet, og tøft at so mange tok mikrofon og delte sine favorittar. Me håpar neste år vert lika bra, eller enno betre. Mange av planane er framleis ikkje heilt klare, men noko av det me ser fram mot er NM i karaoke, som du kan lesa meir om lenger ned i brevet. Vanlegvis har me showoppsett frå Stars In Concert og datoar klare på denne tida, det har me diverre ikkje i år. Men enno ein god grunn til å følgja oss på sosiale mediar, der legg me fortløpande ut alt som skjer 😉 Underhaldning og musikk vil det garantert bli. 🌟🌟🌟 Med inngong i høgtida vil me takka alle de som har besøkt oss i år. De som har vore på overnatting, på show, i motorikkparken, i restauranten, på karaoke eller på konsert. Me takkar for kjekke stunder og hyggjelege tilbakemeldingar. Og takk til alle de som følgjer oss på sosiale mediar og kanskje tek oss med i ferieplanane i framtida. Til me sjåast att, håpar me de nyt fine dagar med familie og vener, og at de får ei God Jul ❤
I 2025 kan me sjå fram til ein vår der DU har høve til å stå på scena og synga deg, forhåpentlgvis, vidare til finalen i VM i karaoke, i BANGKOK. Avtalen er signert, og kvalifisering og regional finale vert i Lærdal Showtheater. Er du glad i å syngja, så må du leggja dessa datoane i kalendaren: Fyrste kvalifiseringsrunde vert fredag 25. april og laurdag 26. april. Andre kvalifiseringsrunde vert fredag 9. mai og laurdag 10. mai. Regionsfinalen (Sogn & Fjordane) vert laurdag 24. mai. All informasjon og påmelding finn du HER. Høyrer du ikkje til Vestland er det ingen fare, du kan delta hjå oss same kvar du er frå. 🎙🎙🎙
