Naturattraksjonar - Sognefjorden & Jotunheimen
Verdas lengste isfrie fjord, Sognefjorden, er over 200 km lang og 1300 meter på det djupaste. I lag med nasjonalparkane Jotunheimen og Jostedalsbreen har du her eit av verdas vakraste landskap som byr på eit unikt mangfall av opplevingar i natur, aktivitetar og kulturattraksjonar.
Frå Lærdal Ferie- og Fritidspark har du kort veg til å oppleve heile Sognefjordregionen med både Jotunheimen og Jostedalsbreen.
Sognefjorden
Opplev Sognefjorden direkte fra ferieparken! Her kan du svømme frå stranda eller hamna, ro kano eller robåt - nyt roen og stillheita! Eller med motorbåt for å fiske eller ta eit av fjordcruisa frå Lærdal og til Gudvangen gjennom Nærøyfjorden. På sykkel langs Sognefjorden med flott fjordutsikt på nesten bilfrie vegar - du finn knapt betre oppleving!
Nærøyfjorden, fjordarm av Sognefjorden og del av Lærdal kommune står på Unesco si verdsarvliste.
Fjordoppleving med robåt - nyt stillheita på fjorden heilt åleine eller med familien! Fiske er muleg. Lærdalsfjorden er ikkje så hektisk som andre fjordarmar som Aurlandsfjordden eller Nærøyfjorden.
Fjordoppleving med fjordcruise ferje frå Lærdal til Gudvangen - startar kun 500 meter frå ferieparken! Opplev den trange Nærøyfjorden! På tilbaketuren til Lærdal, køyr gjerne over den kjende "Snøvegen" / Aurlandsvegen. Dette er ein av dei flottaste rundturane i Norge og verda!
Norge i eit nøtteskal. Den berømte rundturen startar kun 40 km frå ferieparken, i Flåm.
Nationalpark Jotunheimen
Jotunheimen er den høgste og største fjellkjeda i Norge og Skandinavia. Gjennom nasjonalparken Jotunheimen kan du køyre Nordeuropas høgstliggande fjellveg Sognefjellsvegen. Ein av dei største sjåverdigheitene finn du på vegen til Jotunheimen, Vettisfossen i Øvre Årdal, med sine 275 meter fritt fossefall. Vettisfossen ligg ca 50 km + ein vandretur på ca 2 timar unna ferieparken. Rundturen via "Tindevegen" frå Øvre Årdal via Turtagrø og Nigardsbreen i Jostedalen er ein av dei mest spektakulære rundturane i regionen vår. Les her meir om våre anbefalte rundturforslag.
Jostedalsbreen
Jostedalsbreen er europas største fastlandsbre. Den ligg ca 75 km pluss ein ferjetur unna ferieparken (ca 2 timar med bil). Breheimsenteret i Jostedal byr på flotte guida breturar.
Våre TOPP tips til i fjordverda vår!
Opplev Sognefjorden direkte fra ferieparken! Her kan du svømme frå stranda eller hamna, ro kano eller robåt - nyt roen og stillheita! Eller med motorbåt for å fiske eller ta eit av fjordcruisa frå Lærdal og til Gudvangen gjennom Nærøyfjorden. På sykkel langs Sognefjorden med flott fjordutsikt på nesten bilfrie vegar - du finn knapt betre oppleving!
