Vindhella - Sverrestigen
Rundturen Vindhella - Sverrestigen er ein av dei mest populære rundturane på Kongevegen over Filefjell. Den går i eit vidtfemjande historisk landskap. Rundturen går Vindhella den eine og Sverrestigen den andre. Du kan starte på begge vegane ved Rimskjold/ Husum i vest, eller ved Borgund stavkyrkje i aust. Eller du kan starte rundturen der Vindhellavegen eigentleg startar 350 meter austafor stavkyrkjesenteret.
Fakta:
Tidsbruk: 1,5 - 2,5t
Avstand: 4,6 km
Vanskelegheitsgrad: Middels
Passar for: Alle
Startar du ved stavkyrkja, byrjar du vandringa ved å gå bak den raude nyekyrkja og fyl skiltinga. Parkere kan du då gjere ved Svartegjel like ved. Historia fortel at Kong Sverre i oktober 1177 tok Sverrestigen for å omgå bøndene som stod klare til å lempe stein og tømmerstokkar i hovudet på birkebeinarane som skulle passere. Kong Sverre angreip bøndene i ryggen, og jaga dei på flukt. Vindhellavegen er den 2,7 kilometer lange hest- og kjerrevegen som går på høge murar gjennom Vindhellaskaret. Vegen vart bygd etter nye byggeprinsipp som til dels ikkje var utprøvd i dåtidas Noreg.
Den gamle Kongevegen frå 1790-åra er synleg mellom slyngane og utanfor traseen her. Opphaveleg hadde Kongevegen ei stigning på 1:4. Då dei bygde Bergenske Hovedvej oppå i 1840-åra prøvde dei å bøte på dette, men fekk ei stigning på 1:5. Med andre ord var korkje Kongevegen eller Bergenske Hovudvej særleg store suksessar. På grunn av stigninga som framleis var bratt, fekk Vindhellavegen ei brukstid på 30 år. I 1872 vart den avløyst av ein ny veg langs elva gjennom Nesbergi. Dette var E-16 inntil Borgundtunnelen opna i 2004. Frå Sverrestigen går også Klantestien og Annastien tilbake til Vindhella. Skriv gjerne namnet ditt i turbøkene som ligg i dei ulike postkassene langs ruta.
Og så må du sjølvsagt få med deg Borgund Stavkyrkje, den mest autentiske og best bevarde stavkyrkje i verda.
Tekst henta frå
