Langrenn og alpint
Lærdal er kjend for å vere nedbørsfattig, derfor og svært lite snø - men ikkje ver redd for å ikkje få gode skiopplevinga! I regionen rundt Lærdal finn du masse skiaktivitet både for langrenn, frikøyring og alpint, bl.a. eit av Nordeuropas mest kjende og flottaste alpintanlegg Skistar Hemsedal. Gløym heller ikkje mulegheitene til rulleskiløping og sommarskitrening på gode asfalterte sidevegar med lite trafikk frå hovudvegåra E-16, nærast paddeflatt!
Sluppen – Langrenn, frikøyring, løp med truger
Langrenn, frikøyring og gå tur med truger på snøen i eit av Norges vakraste urørde natur, berre 20 minuttar med bil frå ferieparken. Ope frå ca midten av februar (vinterferien).
Fillefjell / Maristova (Gramstølen) – Langrenn, merka løype
Prøv dei flotte preparerte langrennsløypene frå Gramstølen (Maristova) i vest til skisenteret på Fillefjell i aus, i historisk sus over Kongevegen. Du finn Maristova ca 50 km frå ferieparken langs E-16. Her kan du og gå ein flott rundtur frå Gramstølen over Sulebu til Børreli og tilbake over Fillestølen, Buhaugane, Brusestølen og Stovestølen til Gramstølen.
Fillefjell / Nystuen – Alpint og langrenn
Ca. 65 km (45 minuttar) frå ferieparken finn du skisenteret på Fillefjell med fleire skiheisar og nedfarter.
Informasjon: www.tyinfilefjell.no
Hemsedal / Hemsedalsfjellet – Alpint, langrenn og frikøyring
Hemsedal (ca. 85 km frå ferieparken - ca 1 time) er ein av dei mest framgangsrike skidestinasjonane i Norge. Dette er Norges alpar!
Her finn du dei aller beste heisanlegg og nedfarter og mange andre vinteraktivitetar.
Myrkdalen / Voss – Alpint, langrenn, frikøyring
Litt lenger unna men likevel overkomeleg om du ynskjer å teste alt i området! I Myrkdalen finn du eit av dei mest snørike skianlegga i Norge. Ca 1 time og 15 minuttar køyretid.
Sogn Skisenter / Frikøyrarmiljø Sogndal
Ynskjer du å delta på eit av våre Events eller treningsleir, eller du ynskjer å arrangere treningsleir hjå oss, ta kontakt og vi legg til rette saman med deg! Hugs og at vi har nordens fyrste Motorikpark™, ypparleg for kick-off samlingar og arena for basistrening utandørs.